სისხლის სამართლის ტესტები

ოპერატიულ-სამძემრო მოქმედებების ჩატარების შემდეგ გამოვლინდა ე. კარაპეტიანის დანაშაულებრივი ქმედება. კერძოდ, დადგინდა, რომ ე. კარაპეტიანს გატაცებული ჰქონდა მერსედესის მარკის ავტომანქანა. გამომძიებელმა გამოძიების დაწყებისგან თავის შეკავებისთვის 5000 ლარი მოსთხოვა ე.კარაპეტიანს. ე. კარაპეტიანმა ფული არ მიუტანა დათქმულ ვადაში. გამომძიებელი ამის შემდგომ ე. კარაპეტიანს ცემით დაემუქრა თუ ფულს არ მისცემდა.

შეაფასეთ გამომძიებლის მოქმედება.

წინასწარი შეთანხმებით ჯგუფის მიერ არაერთგზის, ძალადობით, რომელიც საშიში არ არის სიცოცხლისა და ჯანმრთელობისთვის, ჩადენილი ძარცვისთვის სსკ-ის 178-ე მუხლის მესამე ნაწილის სანქციით, გათვალისწინებულია თავისუფლების აღკვეთა ვადით ხუთიდან რვა წლამდე. აღნიშნული დანაშაულისთვის სასამართლომ დანიშნა თავისუფლების აღკვეთა ხუთი წლით.

რომელი კატეგორიის დანაშაულია ჩადენილი პირთა ჯგუფის მიერ?

თვრამეტი წლის ასაკის შესრულებამდე პირმა ოთხჯერ ჩაიდინა განზრახ მძიმე დანაშაული. თვრამეტი წლის შესრულების შემდეგ, კვლავ ჩაიდინა განზრახი დანაშაული.

რომელი სახის რეციდივს აქვს ადგილი?

მკვლელობის ჩადენის შემდეგ დ. კაკაბაძე განაჩენის გამოტანამდე ფსიქიკურად დაავადდა.

დაისჯება თუ არა დამნაშავე?

მსჯავრდებულ ფ. გიორგაძეს სასამართლომ დაუნიშნა საზოგადოებისთვის სასარგებლო შრომა 300 საათამდე. სააღსრულებო ბიურომ განსაზღვრა, რომ მსჯავრდებულს ყოველდღიურად უნდა ემუშავა თბილისის დასუფთავების სამსახურში 3 საათი და 30 წუთი.

რამდენად მართებულად იხდის სასჯელს მსჯავრდებული?

უვადო თავისუფლების აღკვეთა არ დაენიშნება იმას, ვისაც დანაშაულის ჩადენამდე არ შესრულებია:

დანაშაულის მცდელობისთვის სასჯელის ვადა ან ზომა არ უნდა აღემატებოდეს დამთავრებული დანაშაულისთვის სსკ-ის კერძო ნაწილის შესაბამისი მუხლით ან მუხლის ნაწილით გათვალისწინებული ყველაზე მკაცრი სახის სასჯელის მაქსიმალური ვადის ან ზომის:

შავ ზღვაზე, თურქეთის სანაპიროსთან საქართველოს ამოსაცნობი ნიშნით მცურავ გემზე მყოფი უკრაინის მოქალაქეების მიმართ საბერძნეთის მოქალაქეებმა ჩაიდინეს ნაკლებად მძიმე დანაშაული.

შეიძლება თუ არა დანაშაული საქართველოს ტერიტორიაზე ჩადენილად ჩაითვალოს?

ნასამართლებმა პირმა პირველად ჩაიდინა სსკ-ის 187-ე მუხლის პირველი ნაწილით გათვალისწინებული დანაშაული (ნივთის დაზიანება ან განადგურება), რომლისთვისაც გათვალისწინებულია სამ წლამდე თავისუფლების აღკვეთა. დანაშაულის ჩადენის შემდეგ იგი ნებაყოფლობით გამოცხადდა ბრალის აღიარებით, ხელი შეუწყო დანაშაულის გახსნას და აანაზღაურა ზიანი.

შეიძლება თუ არა დამნაშავე გათავისუფლდეს სისხლისსამართლებრივი პასუხისმგებლობისგან?

სამედიცინო დაწესებულებაში, გვიან ღამით, სიცოცხლისთვის საშიშ მდგომარეობაში მყოფი ავადმყოფი მიიყვანეს. მორიგე ექიმმა მიღებაზე უარი განაცხადა იმ მიზეზით, რომ ავადმყოფის სიკვდილი მას დიდი ხანია სურდა, რადგან იგი მისი მოსისხლე მტერი იყო. მართლაც, ავადმყოფი დაუხმარებლობით გარდაიცვალა, რითაც ექიმი კმაყოფილი დარჩა.

როგორ დაკვალიფიცირდება ექიმის ქმედება?

სახელწიფოს კუთვნილი ერთ-ერთი სამედიცინო დაწესებულების ექიმმა უყურადღების შედეგად არასწორი დიაგნოზი ჩაწერა მძიმედ დაჭრილი ჯარისკაც მ. რაზმაძის ავადმყოფობის ისტორიაში, რის გამოც დაჭრილი ჯარისკაცი არასათანადო სამკურნალო განყოფილებაში მოათავსეს განაწილებისას. აღნიშნულ დოკუმენტზე დაყრდნობით ამავე დაწესებულების ექთანმა ინექციის გზით მ. რაზმაძეს გაუკეთა მედიკამენტი, რაც სასიკვდილო აღმოჩნდა ავადმყოფისთვის.

დააკვალიფიცირეთ ექიმის მოქმედება.

54 წლის ირმა ნიკოლაძეს, რომელსაც ჰყავდა 8 წლის შვილი, შეეფარდა საზოგადოებისთვის სასარგებლო შრომა. ადვოკატმა გაასაჩივრა სასამართლოს გადაწყვეტილება იმ მოტივით, რომ სასჯელის ამ სახის დანიშვნა მისთვის არ შეიძლებოდა.

რამდენად საფუძვლიანია ადვოკატის მოთხოვნა?

ორჯერ ნასამართლებ ნ. ლალიაშვილს უთანხმოება ჰქონდა ვ. სარიასთან. მასზე შურისძიების გამო მან პროკურატურას აცნობა, რომ თითქოს ვ. სარიამ გუშინ ღამით მას არყის სახდელი სპილენძის ქვაბი მოპარა, რაც სიმართლეს არ შეეფერებოდა.

დაისჯება თუ არა ნ. ლალიაშვილი?

გ. კილაძე გაუპატიურების მიზნით თავს დაესხა ა. კვაჭაძეს და ხელები გადაუგრიხა. ამ დროს ა. კვაჭაძის 12 წლის გოგონამ გაიღვიძა და მეზობლებს საშველად მოუხმო. გ. კილაძეს შეეშინდა და მიიმალა.

დაისჯება თუ არა გ. კილაძე?

მთვრალმა პირებმა ხულიგნური ქვენა გრძნობით, განსაკუთრებული სისტიკით მოკვლის განზრახვით სცემეს ფ. ჩიჩუა და ქუჩაში მიაგდეს იმ ვარაუდით, რომ იგი მკვდარი ეგონათ, თუმცა დაზარალებული დროული დახმარების შედეგად სიკვდილს გადაურჩა. პირველი ინსტანციის სასამართლომ ორივე პირს შეუფარდა უვადო თავისუფლების აღკვეთა.

კანონიერია თუ არა სასამართლოს განაჩენი?

რომელი დანაშაული განხორციელდება თუ ჩადენილია საქართველოს დასუსტების მიზნით სახელმწიფო ან სხვა საწარმოს, დაწესებულების, ორგანიზაციის ან სამსახურის ნორმალური ფუნქციონირებისთვის ხელის შეშლა?

სასამართლომ 17 წლის არასრულწლოვანს დანიშნული თავისუფლების აღკვეთის ვადა შეუმცირა ორი მესამედით და დაუნიშნა თავისუფლების აღკვეთა 8 წლით.

კანონიერია თუ არა სასამართლოს გადაწყვეტილება?

მთიან ადგილში მიმავალი მძღოლი დაეჯახა ფეხით მოსიარულეს. დაზარალებულისთვის დახმარების გაწევის მიზნით მძღოლი გადმოვიდა მანქანიდან და ნახა, რომ დაზარალებული მისი მეზობელი იყო, რომლის მკვლელობაც მას დიდი ხნის წინათ ჰქონდა ჩაფიქრებული. აღნიშნულის გამო, მძღოლმა შეგნებულად დატოვა მეზობელი სიცოცხლისთვის სახიფათო მდგომარეობაში და მიიმალა. დაზარალებული დაჯახებიდან რამდენიმე წუთში გარდაიცვალა. სამედიცინო ექსპერტიზით დადგენდა, რომ დაღუპულს ვერანაირი დროული სამედიცინო დახმარება ვერ გადაარჩენდა.

დააკვალიფიცირეთ მძღოლის უმოქმედობა?

მსჯავრდებული ლ. მიქაძე ჯიუტად თავს არიდებდა გამასწორებელ სამუშაოს. სასამართლომ აღნიშნული სასჯელი შეცვალა ჯარიმით შემდეგი გაანგარიშებით: გამასწორებელი სამუშაოს 1 დღე – 50 ლარით.

სწორია თუ არა სასამართლოს გადაწყვეტილება?

სვანეთის მაღალმთიან სოფელში მგზავრობისას ავტობუსი ხრამში ჩავარდა, რის შედეგადაც 2 მგზავრი განსაკუთრებით მძიმე მდგომარეობაში აღმოჩნდა და ორივეს ესაჭიროებოდა გადაუდებელი ქირურგიული ოპერაცია. შემთხვევის ადგილთან ახლო მდებარე სოფელში მხოლოდ ერთი ქირურგი იმყოფებოდა. ექიმმა ოპერაცია ჩაუტარა მხოლოდ ერთ მგზავრს, თავის ახლო ნათესავს, რომელიც სიკვდილს გადაურჩა, ხოლო მეორე დაზარალებული აღნიშნული ოპერაციის დამთავრებამდე გარდაიცვალა. დროული სამედიცინო ჩარევის შედეგად, მისი სიცოცხლე შენარჩუნებული იქნებოდა.

დაეკისრება თუ არა ქირურგს სისხლისსამართლებრივი პასუხისმგებლობა?