დაინტერესებულმა პირმა გიორგი მამარდაშვილმა ქუთაისის საქალაქო სასამართლოში გაასაჩივრა საქართველოს იუსტიციის მინისტრის ინდივიდუალურ ადმინიტრაციულ-სამართლებრივი აქტი და მოითხოვა მისი ბათილად ცნობა. საქართველოს იუსტიციის მინისტრმა ცვლილება შეიტანა გასაჩივრებულ ინდივიდუალურ-ადმინიტრაციულ სამართლებრივ აქტში, რამაც კიდევ უფრო მეტი პრეტენზია წარმოუშვა დაინტერესებულ მხარეს. გიორგი მამარდაშვილმა განაცხადა, რომ საქართველოს იუსტიციის მინისტრს არ ჰქონდა გასაჩივრებულ ინდივიდუალურ ადმინიტრაცულ-სამართლებრივ აქტში ცვლილების შეტანის უფლება. საქართველოს ზოგადი ადმინისტრაციული კოდექსის თანახმად, კანონიერია გიორგი მამარდაშვილის განცხადება? 

საქართველოს მოქალაქე ერმილე კიკნაძემ სწავლა დაიწყო სსიპ ,,საქართველოს სახარების რწმენის ეკლესიის” სასწავლო პროგრამის – სახარების მასწავლებლის სპეციალობაზე. სასწავლო პროცესის დაწყებისთანავე ერმილე კიკნაძემ მოითხოვა ადმინისტრაციული კანონმდებლობის შესაბამისად გამოცემული ის ინდივიდუალურ ადმინისტრაციულ-სამართლებრივი აქტი რის საფუძველზეც მოხდა მისი კოლეჯში ჩარიცხვა. სსიპ საქართველოს სახარების რწმენის ეკლესიის კოლეჯის ადმინისტრაციამ მოქალაქე ჯამბულ ვაშაძეს განუმარტა, რომ სსიპ საქართველოს სახარების რწმენის ეკლესია არ წარმოადგენს ადმინისტრაციულ ორგანოს და ადმინისტრაციული კანონმდებლობის საფუძველზე არ გამოსცემს ინდივიდუალურ ადმინისტრაციულ სამართლებრივ აქტს. საქართველოს ზოგადი ადმინისტრაციული კოდექსის თანახმად, კანონიერია სსიპ საქართველოს სახარების რწმენის ეკლესიის განმარტება? 

ქუთაისის მუნიციპალიტეტის მერმა გამოსცა ინდივიდუალური ადმინისტრაციულ-სამართლებრივი აქტი ქუთაისის სამონასტრო კომპლექსის ქუთაისის მუნიციპალიტეტის ბიუჯეტიდან დაფინანსების თაობაზე. აქტში მიეთითა სამართლებრივი აქტის სახე, გამომცემი ორგანო, სათაური, უფლებამოსილი პირის ხელმოწერის ადგილი სახელი და გვარი და ინდივიდუალური ადმინისტრაციულ-სამართლებრივი აქტის გამომცემი ორგანოს მიერ მინიჭებული სარეგისტრაციო ნომერი. ქუთაისის მუნიციპალიტეტის მერმა ხელმოწერისას გადაამოწმა აქტზე ინდივიდუალური ადმინისტრაციულ-სამართლებრივი აქტის რეკვიზიტები და დამატებით მოითხოვა აქტზე გამოცემის დროისა და ადგილის მითითება. საქართველოს ზოგადი ადმინისტრაციული კოდექსის თანახმად, კანონიერია ქუთაისის მუნიციპალიტეტის მერის მოთხოვნა?

შესაძლებელია თუ არა ინდივიდუალური ადმინისტრაციულ-სამართლებრივი აქტი ძალაში შევიდეს გამოქვეყნებამდე ან ოფიციალურ გაცნობამდეც?